حکومت بنتے ہی چار فیصد مسلم ریزرویشن ختم کردیا جائیگا ،امت شاہ

Admin نومبر 21, 2023

حیدرآباد۔ ( یو این اے نیوز 20 نومبر 2023)جگتیال میں ایک انتخابی ریلی سے خطاب کرتے ہوئے مرکزی وزیر داخلہ امت شاہ نے کہا کہ بھارتیہ جنتا پارٹی تلنگانہ میں برسر اقتدار آنے پر مسلم ریزرویشن ختم کر دے گی۔ تلنگانہ کے آئندہ اسمبلی انتخابات ملک کے مستقبل کا فیصلہ کریں گے۔ تلنگانہ اسمبلی کی 119 نشستوں کے لیے 30 نومبر کو ووٹنگ ہے، جس کے نتائج کا اعلان باقی چار ریاستوں کے ساتھ 3 دسمبر کو کیا جائے گا۔

وزیر داخلہ امت شاہ نے حکمراں پارٹی کے سربراہ اور چیف منسٹر کے سی آر، کانگریس اور اسد الدین اویسی کو نشانہ بنایا اور بھارت راشٹرا سمیتی، کانگریس اور اے آئی ایم آئی ایم کو خاندانی جماعتیں قرار دیا۔ بی جے پی پریوار واد نہیں کرتی لیکن یہاں یہ سب تینوں پارٹیوں میں اخری حد تک ہے۔ انہوں نے کہا کہ بی آر ایس کی قیادت والی کے سی آر حکومت میں پھیلی بدعنوانی اور تمام کرپشن کی جانچ کی جائے گی۔ انہوں نے کہا کہ جس نے کرپشن کیا ہے وہ جیل جائے گا۔

تلنگانہ میں ماڈیگا برادری کو ایس سی زمرہ کے تحت ریزرویشن دینے کا اعلان کیا۔

"ہم نے فیصلہ کیا ہے کہ ماڈیگا کمیونٹی کو SC زمرہ کے تحت ریزرویشن میں عمودی کوٹہ ملے گا،" اپوزیشن جماعتوں پر حملہ کرتے ہوئے وزیر داخلہ شاہ نے کہا کہ یہاں مسلمانوں کو ریزرویشن خوش کرنے کی سیاست کو فروغ دینے کے لیے دیا گیا تھا۔

کیا ہمیں حیدرآباد لبریشن ڈے نہیں منانا چاہئے؟انہوں نے الزام لگایا کہ تلنگانہ کے چیف منسٹر کے چندر شیکھر راؤ جو کے سی آر کے نام سے مشہور ہیں، آل انڈیا مجلس اتحاد المسلمین (اے آئی ایم آئی ایم) کے سربراہ اسد الدین اویسی کے خوف کی وجہ سے حیدرآباد لبریشن ڈے نہیں مناتے ہیں۔

انہوں نے سوال کیا کہ کیا ہمیں حیدرآباد کا یوم آزادی نہیں منانا چاہئے؟ ہم حیدرآباد یوم آزادی کے طور پر منائیں گے۔ حکومت بننے کے بعد یہاں کے لوگوں کو ایودھیا میں بھگوان شری رام مندر کے درشن کرنے کی مفت اجازت ہوگی۔

کوئی تبصرے نہیں:

ایک تبصرہ شائع کریں

ہمارے بارے میں

ایک طرف جہاں فیک نیوز کی بھر مار ہے،دوسری طرف حکومت کے اشارے پر خبریں شائع ہوتی ہیں۔ اس دور میں یواین اے نیوز سچائی اور مظبوط ارادے کے ساتھ آپ کے ساتھ کندھے سے کندھا ملا کھڑا ہے۔یواین اے نیوز ایک ایسا ادارہ ہے،جو مافیاؤں سے خوف زدہ نہیں،جو لفافہ صحافت کا پیروکار نہیں،جو حکمرانوں کا قصیدہ گو نہیں،جو سرکاری مراعات کا محتاج نہیں،جو جابر حکمرانوں سے پوچھ کر کلمہ حق کہنے والا نہیں،ہمارا آپ سے وعدہ ہے،لکھیں گےہمیشہ سچ اور صرف سچ۔ یہ ہمارا مشن ہے،ایک تحریک ہے۔ یواین اے نیوز میں اپنا مضمون شائع کروانے کے لیے اپنی تحریر صرف ان پیج فارمیٹ میں ہی مع تصویر ارسال کریں۔ یواین اے نیوز کسی بھی موضوع پر لکھے گئے مضامین کو قبول کرسکتا ہے، بشرطیکہ تمام مضامین طبع زاد ہونے چاہئیں۔ یواین اے نیوز ایسے مضامین کو اولین فرصت میں شائع کرنے کو ترجیح دیتا ہے جو پہلے کسی آن لائن یا اخبار وغیرہ میں شائع نہ کئے جا چکے ہوں؛ اگر کسی وجہ سے یواین اے نیوز آپ کی تحریر شائع نہیں کرتا ہے تو برائے مہربانی اشاعت کے لئے اصرار نہ کریں، کیونکہ کسی بھی تحریر کو شائع کرنے یا نہ کرنے کا کلی اختیار صرف اور صرف یواین اے نیوز کی ادارتی ٹیم کو ہی ہے۔ ایڈیٹر کو اختیار حاصل ہے کہ آپ کی تحریر کو قابلِ اشاعت بنانے کے لیے قطع و برید کرے۔ یواین اے نیوز ایسے مضامین شائع نہیں کرتا جو دو ممالک، گروہوں، فرقوں اور افراد کے درمیان باہمی منافرت کو ہوا دینے کا سبب بنے۔ یواین اے نیوز پر شائع ہونے والی تمام نگارشات قلم کاروں کی ذاتی آرا پر مبنی ہیں۔ ادارہ کا ان سے متفق ہونا ضروری نہیں۔ یواین اے نیوز کسی بھی سیاسی پارٹی کا نمائندہ نہیں ہے۔ آپ ہماری آواز کو بلند اور مظبوط کرنے کے لئیے ہمارے فیس بک ٹیوٹر یوٹیوب ودیگر سوشل میڈیا پلیٹ فارم پر ہمیں لائک، سبسکرائب اور فالو کریں۔ شکریہ