مولانا طارق جمیل کے صاحبزادے عاصم جمیل گولی لگنے سے جاں بحق

Admin اکتوبر 29, 2023

پاکستان کے بڑے علام دین مولانا طارق جمیل کے صاحب زادے عاصم جمیل گولی لگنے سے جاں بحق ہوگئے ہیں۔

افسوس ناک واقعہ پنجاب کے شہر میاں چنوں میں ان کے آبائی قصبے تلمبہ میں پیش آیا، عاصم جمیل کو تشویش ناک حالت میں تلمبہ رورل ہیلتھ سنٹر پہنچایا گیا تاہم وہ جانبر نہ ہوسکے۔ڈاکٹر کے مطابق مولانا طارق جمیل کے بیٹے عاصم جمیل کے سینے میں گولی لگی، انہیں زخمی حالت میں اسپتال لایا گیا تھا، تاہم وہ ابتدائی علاج کے دوران انتقال کر گئے۔

پولیس کا کہنا ہے کہ واقعے کی تحقیقات کی جارہی ہیں۔مولانا طارق جمیل نے سوشل میڈیا پلیٹ فارم ”ایکس“ پر جاری بیان میں خبر کی تصدیق کرتے ہوئے لکھا کہ ’آج تلمبہ میں میرے بیٹے عاصم جمیل کا انتقال ہوگیا ہے۔ اس حادثاتی موت نے ماحول کو سوگوار بنا دیا۔‘

انہوں نے مزید لکھا کہ آپ سب سے گزارش ہے اس غم کے موقع پر ہمیں اپنی دعاؤں میں یاد رکھیں۔ اللہ میرے فرزند کو جنت الفردوس میں اعلیٰ مقام عطا فرمائے۔’ڈسٹرکٹ پولیس آفیسر خانیوال رانا عمر فاروق نے واقعہ کا نوٹس لے لیا ہے۔ جس کے بعد کرائم سین یونٹ اور فرانزک لیب کی ٹیمیں شواہد اکٹھے کرنے کے لیے پہنچ گئیں۔

ڈی پی اور رانا عمر فاروق کا کہنا ہے کہ واقعے کی باریک بینی سے تفتیش کی جارہی ہے، حقائق سامنے آںے کے بعد حسب ضابطہ کارروائی عمل میں لائی جائے گی۔

اہم شخصیات کا اظہار تعزیت

نگراں وزیر اطلاعات مرتضیٰ سولنگی نے بھی افسوس کا اظہار کرتے ہوئے مولانا طارق جمیل اور اہل خانہ سے تعزیت کرتے ہوئیے لکھا کہ بیٹے کا جاں بحق ہونا باپ کے لئے ناقابل برداشت صدمہ ہے، اہل خانہ کے غم میں برابر کے شریک ہیں۔

سابق اسپیکر قومی اسمبلی راجا پرویز اشرف نے مولانا طارق جمیل کے فرزند کے انتقال پر اظہارِ تعزیت کرتے ہوئے مرحوم کے درجات کی بلندی کے لیے دعا کی اور کہا کہ اللہ مولانا طارق جمیل اور اہلِ خانہ کو صبر عطا کرے۔

پاکستان مسلم لیگ (ن) کے صدر میاں شہباز شریف نے لکھا کہ ’مولانا طارق جمیل صاحب اور ان کے اہل خانہ سے جواں سال فرزند عاصم جمیل کی وفات پر دلی دکھ اور افسوس کا اظہار کرتا ہوں۔ اس حادثے پر ہم سب آپ کے غم میں شریک ہیں۔‘

شہباز شریف نے لکھا، ’یقیناً یہ ایک ناقابل برداشت غم ہے۔ ہماری دعائیں اور ہمدردیاں آپ کے ساتھ ہیں۔

اللہ تعالیٰ مرحوم کو اپنے جوار رحمت میں بلند مقام عطا فرمائے اور اہل خانہ کو صبر جمیل دے۔

آمین‘مسل لیگ (ن) کی چیف آرگنائزر مریم نواز نے لکھا، ’ﷲ تعالیٰ آپکو یہ سانحہ برداشت کرنے کی ہمت عطاء فرمائے ۔ آپ کو اور آپ کے گھر والوں کو صبر دے اور آپ کے مرحوم بیٹے کی مغفرت فرمائے اور ان کو جنت الفردوس میں جگہ عطا فرمائے۔ آمین‘

اج ٹی وی کے ان پٹ کے ساتھ

کوئی تبصرے نہیں:

ایک تبصرہ شائع کریں

ہمارے بارے میں

ایک طرف جہاں فیک نیوز کی بھر مار ہے،دوسری طرف حکومت کے اشارے پر خبریں شائع ہوتی ہیں۔ اس دور میں یواین اے نیوز سچائی اور مظبوط ارادے کے ساتھ آپ کے ساتھ کندھے سے کندھا ملا کھڑا ہے۔یواین اے نیوز ایک ایسا ادارہ ہے،جو مافیاؤں سے خوف زدہ نہیں،جو لفافہ صحافت کا پیروکار نہیں،جو حکمرانوں کا قصیدہ گو نہیں،جو سرکاری مراعات کا محتاج نہیں،جو جابر حکمرانوں سے پوچھ کر کلمہ حق کہنے والا نہیں،ہمارا آپ سے وعدہ ہے،لکھیں گےہمیشہ سچ اور صرف سچ۔ یہ ہمارا مشن ہے،ایک تحریک ہے۔ یواین اے نیوز میں اپنا مضمون شائع کروانے کے لیے اپنی تحریر صرف ان پیج فارمیٹ میں ہی مع تصویر ارسال کریں۔ یواین اے نیوز کسی بھی موضوع پر لکھے گئے مضامین کو قبول کرسکتا ہے، بشرطیکہ تمام مضامین طبع زاد ہونے چاہئیں۔ یواین اے نیوز ایسے مضامین کو اولین فرصت میں شائع کرنے کو ترجیح دیتا ہے جو پہلے کسی آن لائن یا اخبار وغیرہ میں شائع نہ کئے جا چکے ہوں؛ اگر کسی وجہ سے یواین اے نیوز آپ کی تحریر شائع نہیں کرتا ہے تو برائے مہربانی اشاعت کے لئے اصرار نہ کریں، کیونکہ کسی بھی تحریر کو شائع کرنے یا نہ کرنے کا کلی اختیار صرف اور صرف یواین اے نیوز کی ادارتی ٹیم کو ہی ہے۔ ایڈیٹر کو اختیار حاصل ہے کہ آپ کی تحریر کو قابلِ اشاعت بنانے کے لیے قطع و برید کرے۔ یواین اے نیوز ایسے مضامین شائع نہیں کرتا جو دو ممالک، گروہوں، فرقوں اور افراد کے درمیان باہمی منافرت کو ہوا دینے کا سبب بنے۔ یواین اے نیوز پر شائع ہونے والی تمام نگارشات قلم کاروں کی ذاتی آرا پر مبنی ہیں۔ ادارہ کا ان سے متفق ہونا ضروری نہیں۔ یواین اے نیوز کسی بھی سیاسی پارٹی کا نمائندہ نہیں ہے۔ آپ ہماری آواز کو بلند اور مظبوط کرنے کے لئیے ہمارے فیس بک ٹیوٹر یوٹیوب ودیگر سوشل میڈیا پلیٹ فارم پر ہمیں لائک، سبسکرائب اور فالو کریں۔ شکریہ