اعظم گڑھ:سی ایم یوگی کے او ایس ڈی کی گائے کی وجہ سے گئی جان: لکھنؤ جاتے ہوئے بستی میں سڑک حادثہ، بیوی شدید زخمی
اعظم گڑھ ۔اسماعیل عمران ۔(یو این اے نیوز 26اگست 2022) وزیر اعلی یوگی آدتیہ ناتھ کے او ایس ڈی اور سابق ڈپٹی کلکٹر چوری چورا موتی لال سنگھ کی سڑک حادثے میں موت ہو گئی۔ یہ حادثہ لکھنؤ جاتے ہوئے بستی میں پیش آیا۔ واقعے میں او ایس ڈی کی اہلیہ شدید زخمی ہیں۔
موتی لال سنگھ کی ایک سڑک حادثے میں موت ہو گئی۔وزیر اعلیٰ کیمپ آفس-گورکھناتھ مندر کے او ایس ڈی اور سابق ڈپٹی کلکٹر چوری چوڑا موتی لال سنگھ کی سڑک حادثے میں موت ہو گئی۔ یہ حادثہ لکھنؤ جاتے ہوئے بستی میں پیش آیا۔ واقعے میں او ایس ڈی کی اہلیہ شدید زخمی ہیں۔ اس کا علاج گرو گورکھ ناتھ اسپتال میں چل رہا ہے۔ موتی لال سنگھ اصل میں اعظم گڑھ کے رہنے والے تھے۔
موتی لال سنگھ کی مستقل رہائش گاؤں بوڑھن پور، پوسٹ کو ئیلاس ضلع اعظم گڑھ تھی۔ وہ گورکھپور میں سول لائن ایس پی سٹی کی رہائش گاہ کے قریب سہارا پریس کے بگل میں رہتے تھے ۔ انہیں صبح چار بجے گرو شری گورکھناتھ اسپتال میں داخل کرایا گیا، جہاں صبح تقریباً 6.30 بجے ان کی موت ہوگئی۔ بتایا جا رہا ہے کہ یہ سڑک حادثہ گائے کو بچانے کی کوشش میں پیش آیا۔
موتی لال سنگھ یوگی حکومت کے پہلی مدت میں بھی او ایس ڈی تھے۔ دوسری مدت میں بھی ذمہ داری ملی تھی ۔
وزیر اعلی کے کیمپ آفس گورکھ ناتھ مندر کے احاطے میں بنایا گیا ہے، جہاں وہ بیٹھ کر عوامی سماعت کرتے تھے۔ سی ایم یوگی آدتیہ ناتھ نے موتی لال سنگھ کی موت پر غم کا اظہار کیا ہے۔ متوفی کے اہل خانہ سے تعزیت کا اظہار کیا ہے ۔
کوئی تبصرے نہیں:
ایک تبصرہ شائع کریں