محمد شمیع کی اہلیہ حسین جہاں کی وزیر اعظم مودی سے خصوصی اپیل -انڈیا نام بدل دیجئے!
دہلی ۔اسماعیل عمران۔(یو این اے نیوز 16اگست 2022) ہندوستانی فاسٹ بولر محمد شمیع کی اہلیہ حسین جہاں اکثر سرخیوں میں رہتی ہیں۔ انہوں نے شمیع پر کئی سنگین الزامات لگائے تھے۔ اس کے بعد سے وہ مسلسل تنازعات کا شکار رہی ہیں۔
شمیع سے علیحدگی کے بعد حسین جہاں مختلف وجوہات کی وجہ سے زیر بحث رہی ہیں۔ اب انہوں نے وزیر اعظم نریندر مودی سے ملک کا نام بدلنے کی اپیل کی ہے۔ اس کے بعد سے وہ ایک بار پھر بحث میں آگئی ہیں۔ حسین جہاں نے انسٹاگرام پوسٹ کے ذریعے پی ایم مودی سے خصوصی اپیل کی ہے۔
حسین جہاں نے اپنی پوسٹ میں وزیر اعظم نریندر مودی کے ساتھ وزیر داخلہ امت شاہ سے ملک کا نام بدلنے کی اپیل کی ہے۔ حسین نے انڈیا کے نام پر اعتراض جتایا ہے۔
حسین جہاں نے انسٹاگرام پر اپنی ویڈیو شیئر کرتے ہوئے لکھا، "ہمارا ملک، ہماری عزت، مجھے ہندوستان سے پیار ہے، ہمارے ملک کا نام صرف بھارت یا ہندوستان ہونا چاہیے۔
حسین جہاں نے مزید لکھا کہ ’’محترم وزیر اعظم، میں عزت مآب وزیر داخلہ سے درخواست کرتی ہوں کہ وہ انڈیا کا نام بدل دیں، تاکہ پوری دنیا ہمارے ملک کو ہندوستان یا بھارت کہے نہ کہ انڈیا۔
حسین جہاں اور محمد شمیع کی شادی 2014 میں ہوئی تھی۔ اس کے بعد 2018 میں حسین جہاں نے شمیع پر گھریلو تشدد اور میچ فکسنگ سمیت کئی سنگین الزامات لگائے۔ تاہم، بی سی سی آئی نے تحقیقات میں شمیع کو بے قصور پایا اور وہ ملک کے لیے کھیل رہے ہیں۔ تاہم انہیں موجودہ T20 ٹیم میں جگہ نہیں ملی ہے۔
کوئی تبصرے نہیں:
ایک تبصرہ شائع کریں