پیر، 15 اگست، 2022

Home Unlabelled کانپور : قومی پرچم کی توہین پر تین غیر مسلم لڑکوں کو جیل، ویڈیو بناکر سوشل میڈیا پر وائرل کیا!

کانپور : قومی پرچم کی توہین پر تین غیر مسلم لڑکوں کو جیل، ویڈیو بناکر سوشل میڈیا پر وائرل کیا!

Admin اگست 15, 2022

تصویر قومی پرچم کی توہین کرنے والے مجرم پولیس کی گرفت میں

کانپور۔اسماعیل عمران۔(یو این اے نیوز 15اگست 2022) پنکی پولیس نے کانپور میں قومی پرچم کی توہین کرنے پر تین لوگوں کو گرفتار کیا ہے۔ الزام ہے کہ تینوں نے قومی پرچم پھاڑ دیا اور اس کی تصویر، ویڈیو بنا کر سوشل میڈیا پر وائرل کر دیا۔ معاملے کی اطلاع ملتے ہی پنکی پولیس نے ایف آئی آر درج کرنے کے بعد تینوں کو گرفتار کرلیا۔

تھانہ پنکی کے انچارج انجن کمار سنگھ نے بتایا کہ ہفتہ کو ٹوئٹر سمیت دیگر سوشل میڈیا پلیٹ فارمز پر ایک ویڈیو وائرل ہوا۔ اس میں تین نوجوانوں نے قومی پرچم پھاڑ کر اس کے ساتھ فوٹو لی اور ویڈیو بنایا۔

معاملے کی اطلاع ملتے ہی پولیس نے قومی پرچم کے توہین کرنے والے تینوں کی شناخت منی پروا پنکی کے رہائشی جئے پرکاش، سنجے اور راج بہادر کے طور پر کی۔

اس کے بعد تینوں کے خلاف پنکی پولیس اسٹیشن میں قومی وقار کی توہین کی روک تھام ایکٹ 1971 کے تحت ایف آئی آر درج کی گئی۔ اس کے بعد پنکی پولیس نے مخبر کی مدد سے تینوں کو منی پروا امبیڈکر پارک کے قریب سے گرفتار کر لیا۔

تھانہ انچارج نے بتایا کہ 15 اگست کو ہر گھر میں آزادی کے امرت مہوتسو اور ہر گھر ترنگا پروگرام کی تیاریاں جاری ہیں۔ اس دوران قومی پرچم کی توہین کا معاملہ سامنے آنے پر علاقے کے لوگوں میں غصہ دیکھنے کو ملا پولیس نے ایف آئی آر درج کرنے کے بعد تینوں کو گرفتار کرلیا۔

کوئی تبصرے نہیں:

ایک تبصرہ شائع کریں

ہمارے بارے میں

ایک طرف جہاں فیک نیوز کی بھر مار ہے،دوسری طرف حکومت کے اشارے پر خبریں شائع ہوتی ہیں۔ اس دور میں یواین اے نیوز سچائی اور مظبوط ارادے کے ساتھ آپ کے ساتھ کندھے سے کندھا ملا کھڑا ہے۔یواین اے نیوز ایک ایسا ادارہ ہے،جو مافیاؤں سے خوف زدہ نہیں،جو لفافہ صحافت کا پیروکار نہیں،جو حکمرانوں کا قصیدہ گو نہیں،جو سرکاری مراعات کا محتاج نہیں،جو جابر حکمرانوں سے پوچھ کر کلمہ حق کہنے والا نہیں،ہمارا آپ سے وعدہ ہے،لکھیں گےہمیشہ سچ اور صرف سچ۔ یہ ہمارا مشن ہے،ایک تحریک ہے۔ یواین اے نیوز میں اپنا مضمون شائع کروانے کے لیے اپنی تحریر صرف ان پیج فارمیٹ میں ہی مع تصویر ارسال کریں۔ یواین اے نیوز کسی بھی موضوع پر لکھے گئے مضامین کو قبول کرسکتا ہے، بشرطیکہ تمام مضامین طبع زاد ہونے چاہئیں۔ یواین اے نیوز ایسے مضامین کو اولین فرصت میں شائع کرنے کو ترجیح دیتا ہے جو پہلے کسی آن لائن یا اخبار وغیرہ میں شائع نہ کئے جا چکے ہوں؛ اگر کسی وجہ سے یواین اے نیوز آپ کی تحریر شائع نہیں کرتا ہے تو برائے مہربانی اشاعت کے لئے اصرار نہ کریں، کیونکہ کسی بھی تحریر کو شائع کرنے یا نہ کرنے کا کلی اختیار صرف اور صرف یواین اے نیوز کی ادارتی ٹیم کو ہی ہے۔ ایڈیٹر کو اختیار حاصل ہے کہ آپ کی تحریر کو قابلِ اشاعت بنانے کے لیے قطع و برید کرے۔ یواین اے نیوز ایسے مضامین شائع نہیں کرتا جو دو ممالک، گروہوں، فرقوں اور افراد کے درمیان باہمی منافرت کو ہوا دینے کا سبب بنے۔ یواین اے نیوز پر شائع ہونے والی تمام نگارشات قلم کاروں کی ذاتی آرا پر مبنی ہیں۔ ادارہ کا ان سے متفق ہونا ضروری نہیں۔ یواین اے نیوز کسی بھی سیاسی پارٹی کا نمائندہ نہیں ہے۔ آپ ہماری آواز کو بلند اور مظبوط کرنے کے لئیے ہمارے فیس بک ٹیوٹر یوٹیوب ودیگر سوشل میڈیا پلیٹ فارم پر ہمیں لائک، سبسکرائب اور فالو کریں۔ شکریہ