جے پور: راجستھان کے جالور میں استاد کی پٹائی سے دلت طالب علم کی موت کے بعد اب جے پور میں ایک دلت استاد کو زندہ جلا دیا گیا۔ واقعہ کے وقت ٹیچر گھر سے سکول جا رہی تھی۔ متوفی ٹیچر انیتا دیوی اور ملزم فریق کے درمیان پیسوں کو لے کر لین دین کا تنازعہ چل رہا تھا۔ اس واقعہ کے بعد خاتون کے شوہر تاراچند نے بھی 12 اگست کو ڈی جی پی سے ملاقات کی تھی۔ تاراچند نے رئیسر کے ایس ایچ او، اے ایس آئی کابل سنگھ، پولیس اہلکار ونود گرجر پر شرپسندوں کو پناہ دینے اور ملی بھگت کا الزام لگایا ہے۔
معلومات کے مطابق، وینا میموریل اسکول کی ٹیچر انیتا ریگر (32) جے پور سے تقریباً 80 کلومیٹر دور رائسر کے علاقے میں 10 اگست کی صبح آٹھ بجے بیٹے راجویر (6) کے ساتھ اسکول جارہی تھی۔ اس دوران کچھ شرپسندوں نے اسے گھیر لیا اور حملہ کر دیا۔ انیتا خود کو بچانے کے لیے قریب ہی کالو رام ریگر کے گھر میں گھس گئی۔ اس نے 100 نمبر اور تھانہ رئیسر کو اطلاع دی تاہم پولیس موقع پر نہیں پہنچی۔ اس کے بعد ملزمان نے انیتا کو پٹرول چھڑک کر آگ لگا دی۔ خاتون چیختی رہی لیکن لوگ ویڈیو بناتے رہے۔ الزام ہے کہ کسی نے اس کی مدد نہیں کی۔
کوئی تبصرے نہیں:
ایک تبصرہ شائع کریں