جونپور ضلع کے موضع برنگی میں آل انڈیا کبڈی ٹورنامنٹ کل سے
ٹورنا منٹ میں پورے ملک سے کبڈی کی ٹیمیں شرکت کر رہی ہیں: خلیق الرحمن
جونپور،رپورٹ:فضل الرحمن(یواین اےنیوز7نومبر2017)کل یعنی ۸ نومبر کوجونپور ضلع کے موضع برنگی میں ڈاکٹر ریاض احمد میموریل آل انڈیا ڈے نائٹ کبڈی ٹورنامنٹ کا انعقاد کیا گیا ہے ۔ کبڈی ٹورنا منٹ کے منتظمین نے بتایا کہ ٹورنامنٹ میں پورے ملک سے کبڈی کی بڑی بڑی ٹیمیں اور مایا ناز کھلاڑی شرکت کر رہے ہیں۔ٹورنا منٹ کا آغازآج یعنی ۸ نومبر رات ۷ بجے سے ہوگا ۔ ٹورنامنٹ کروانے والوں میں سرفہرست خلیق الرحمن نے اطلاع دیتے ہوئے کہاکہ ٹورنا منٹ میں بڑے اور کبڈی کے معروف کھلاڑیوں کی شرکت سے ہم سب بہت پُر جوش ہیں۔مسٹر خلیق نے مزید کہاکہ کبڈی ٹورنا منٹ کا مقصد عوام میں صحت کے تئیں بیداری اور سماج کو بھائی چارگی کا پیغام دینا ہے ۔ واضح رہے کہ اس سے قبل بھی برنگی اور اطراف میں کبڈی کے ٹورنامنٹ ہوتے رہے ہیں اور ٹورنامنٹ کو عوام کی زبردست مقبولیت ملتی رہی ہے ۔
کوئی تبصرے نہیں:
ایک تبصرہ شائع کریں